كويس جدا إن مسلسل الاختيار 2 مسلط الضوء على جهاز الأمن الوطني، في ناس كتير ماتعرفش دور الجهاز ده ايه، وبتوصل لهم على الأغلب معلومات مشوهة مصدرها الإسلاميين المزيفين ( أصحاب أجندات الإسلام السياسي ) ..
جهاز الأمن الوطني دوره الأساسي جمع المعلومات، يعني ايه؟
خلينا نوضح بمثال: هل المواجهة مع الإرهاب ينفع تبقى رد فعل بس؟ يعني نستنى الإرهابيين ينزلوا بالعبوة الناسفة والشرطة تحاول تقبض عليهم وتفكك العبوة؟ لأ طبعا مستحيل..
التعامل المسبق وجمع المعلومات لوأد العمليات، ده الدور الأساسي لرجالة الأمن الوطني، علشان كده لما بيتقبض على خلية إرهابية بضربة استباقية بتلاقي عادة بيان الداخلية بيقول في الأول إن التحرك جاء بناء على معلومات من جهاز الأمن الوطني..
كل عبوة ناسفة اتقبض على المجرمين اللي عملوها قبل ما يقتلوا عشرات أو مئات الأبرياء، كان من أهم أسباب ده معلومات من رجالة الأمن الوطني..
ربنا يحمي اللي بيحمونا ويجبر بخاطرهم، حتى لو مش هنقدر نعرفهم كلهم بالاسم، لكن احنا مدينين ليهم..