اتحاد قبائل سيناء

كتب القائد محمد صلاح : من يتجرأ ينتصر

alt=

أساس العمل الخاص و الإستخباراتى اللى بيقوم بيه الصقور مع أهل الأرض بدعم القوات المسلحة القادرة بيبدأ بمعلومة مبيستهونش بيها فرد عادى لكنه وطنى عنده وعي أمنى عاشق لبلده بعدها بيتم تتبعها و التأكد منها لحد ما بنحط عنينا على هدف ثمين و فى لحظة حاسمة من الأبطال بيعلى شعار ( من يتجرأ ينتصر ) المكان كان فى المقاطعة اللى عشش فيها الشر و إنتشر و إستشرى و زرعها عبوات و أمن نفسه كويس أوى و أفتكر أنه خلاص كده أستخبى و اتدارى عن العيون لكن هتدارى من مين الصقور فى السما نظرها حاد و جايبه الجحور اللى تحت الأرض و على الأرض ناسها و أهلها اللى رافضين وجودك و مش هيسيبوك تدنس شبر من أرضهم و بقرار من جيش قوى قادر جه القرار بدخول المقاطعة و تطهيرها ولأن من يتجرأ ينتصر الصقور و أهل الأرض قرروا أنهم مش هيدخلوا من الإتجاه اللى أبطال الجيش داخلين منه و هيدخلوا من إتجاه أخر على الصيد الثمين اللى فاكر نفسه مستخبى و متأمن لأنه غالى أوى و مهم أوى بحكم أنه ( أستاذ صناعة عبوات ناسفه ) و ياما إتسبب فى وجع و ألم و خساير لكن أحنا لا بنسيب حقنا ولا بنسيب شبر من أرضنا دخلوا الصقور ومعاهم أهل الأرض حاصروه فى جحره وكل اللى حوليه راحوا يشتبكوا مع أبطال الجيش فى الإتجاه الأخر وهو متأمن فى جحره بعبواته و سلاحه و ذخيرته لكن قلبه لا فيه شجاعه ولا فيه إيمان فيه خيانه و غدر و خزي و عار دخلنا و عددنا مش كبير و نزلنا على رجلينا و حاصرناه كنا مستعدين نروح لأخر راجل فينا بس مش هنرجع من غيره حي أو ميت أهل الأرض و الصقور مبيخافوش من الموت شهادة فى سبيل الله لكن بيخافوا على الأرض و مستقبلها و ناسها و أهلها ، جاهزين يا رجالة توكلنا على الله و فجأة و قبل ما نقتحم اللى كان بيقول ( قد جئناكم بالذبح ووالله لنثأرن ) رمى سلاحه و رفع ايده وقال اعطونى الأمان أسلم نفسى أنا الأمير فولان متخصص صنع عبوات ، مش محتاج تقول أنت مين أحنا نعرفك كويس و نعرف عنك اللى أنت حتى متعرفوش خُش جنب إخواتك اللى سبقوك و اللى لسة جايين فى الطريق كله جاى و محدش مستخبى بس كله فى وقته .. صورة لأبطال عملية ( من يتجرأ ينتصر ) الصقور و أهل الأرض مع العنصر المستسلم .

الله أكبر .. الدم واحد و الوطن واحد و الهدف واحد .. تحيا جمهورية مصر العربية .

القائد محمد صلاح
#القوات_المسلحة
#المخابرات_الحرببة
#اتحاد_قبائل_سيناء
#النصر #الشهادة
#من_يتجرأ_ينتصر

Exit mobile version