اتحاد قبائل سيناء

كتب القائد محمد صلاح : السبق و الإحباط

alt=

السبق و الإحباط

وقت ما كان العدو بيحاول يبث فكر مغلوط بترويج الشائعات عند المصريين عن ( أهل الأرض ) أهل سيناء و يشوه صورتهم و فى نفس الوقت يحاول هو يتقربلهم بشكل أو بأخر علشان يبقى هو اللى بيحبهم و بيحتويهم أكتر من وطنهم و بلدهم كانوا أهل الأرض أوعى و أزكى و كانت الدولة و أجهزتها أكبر و أرقى و بعمليات السبق و الإحباط للعدو من كل المحبين للوطن كانت النتائج فوق المتوقعة بفضل الله ثم بفضل أهل الأرض اللى مهما نقول مش هنوفيهم ربع حقهم و ده اللى خلانى فى كل بوست وكل جملة و كل حرف لازم أذكر ( أهل الأرض ) اللى من شغلى معاهم ووجودى وسطهم شوفت وطنية و عشق لتراب الأرض مش سهل تشوفهم ، شوفت أبطال سايبين اللى وراهم و اللى قدامهم و طالعين شايلين أرواحهم على كفوفهم إيد فى إيد و كتف فى كتف و مستعدين بكل رضى يوهبوا روحهم فداء لبلدهم و أرضهم بلا ذرة تردد ، شوفت أهل طيبة و كرم و حب و شوفت أهل شدة و بأس و حرب ، شوفت حاجات كتييييير ميكفيهاش كام كلمة ، الخُلاصة أن الصقور و أهل الأرض بيدوسوا الأرض بثقة أنتم مش متخيلينها و مفيش عدو أياً من كان هيقدر عليهم أو حتى ياخد فى رجليهم دعسة على حد تعبير ( أهل الأرض ) و لأن كل كلمة شكر مش كفاية فكرت فى فكرة سلسة فيديوهات ( أهل الأرض ) اللى بكرة إن شاء الله هنزل فيديو إفتتاحى للسلسلة و تتتالى الفيديوهات بالوقائع و الأحداث و حكايات الأبطال أحياء و شهداء فيما بعد ويارب السلسلة تعجبكم و تعجب ( أهل الأرض ) الأبطال

الله أكبر .. الدم واحد و الوطن واحد و الهدف واحد .. تحيا جمهورية مصر العربية .

القائد محمد صلاح 
#القوات_المسلحة
#المخابرات_الحربية
#اتحاد_قبائل_سيناء
#أهل_الأرض
#النصر #الشهادة

Exit mobile version