أسباب هجوم تنظيمات الإسلام السياسي المسلسلات السياسية الوطنية بعداء و عنف؟

Sinai Tribes
2021-04-16T17:13:46+02:00
نشرات الاتحاد
16 أبريل 2021آخر تحديث : الجمعة 16 أبريل 2021 - 5:13 مساءً
أسباب هجوم تنظيمات الإسلام السياسي المسلسلات السياسية الوطنية بعداء و عنف؟
ليه تنظيمات الإسلام السياسي بتواجه المسلسلات السياسية اللي بتتعرض دلوقتي بعنف؟
علشان المراية..
ايوه، المراية، الحكاية مابقتش دقن وتكشيرة وخلاص، ظهورهم في الفن بقى مدروس وبقوا بيشوفوا نفسهم في المسلسلات كإنهم واقفين في المراية، وأفكارهم بتتفضح قدام كل الناس..
خلي بالك، الإخوان مثلا كتنظيم عمره ما بيظهر كل أفكاره للشباب المراهقين اللي بيستهدف تجنيدهم من المدارس والجامعات مرة واحدة، الموضوع بيبقى تدريجي علشان مايخضش اللي قدامه ويبعده عنه..
تخيل بقى إن التدريجي ده بيتعرض على التليفزيون في رمضان في كل البيوت المصرية!
امبارح مثلا في حلقة القاهرة كابول، رمزي “طارق لطفي” كان مصمم إن خالد “أحمد رزق” عامل فيلم يهاجم بيه الإسلام السياسي علشان يغلف كراهيته للإسلام، ده من أهم أسس أفكار التنظيمات دي، تحويل المعركة للدين وعلى الدين حتى لو اللي قدامهم بيعبر بوضوح عن اعتزازه بالإسلام..
المسلسلات السياسية مكتوبة بشكل مدروس، ودي أخطر حاجة مربكة لتنظيمات الإسلام السياسي، وده طبعا يفسر الصياح المستمر رغم إننا لسه في الحلقة التانية!
رابط مختصر

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *


شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.